نص القصيدة

فين هيا اللي مكتوبة عليا تكون شريكتي في الحياة

نهديلها قلبي بالنية و نعيش معاها للممات

انا و الله ماليني من اصلي تكون جزائرية

شرقية و الا غربية

فين هي منين هي يا ترى منين تطل عليا

كل يوم نشوف البنات حمر خدودهم كي الوردات

اللي نشوف نقول هذي هي

شحال من واحدة جات و مشات شحال من مرة نقول فرات

تبقى صورتها بين عينيا

اللي مكتوبتلي في الجبين لازم نراها بالعين

و لوكان تكون في طرف الدنيا

كيما اجتمعوا الوالدين نعياو الاثنين مجتمعين

و نكونوا الاشتراكيا

يا دري شكلها كاش يكون سمراء عذراء واش من اللون

اللي كانت مكتوبة عليا

يقولوا الناس العشق جنون و المحبة في بحر تكون

و انا حبيبة قلبي مخفية

يعيا و يلحق ذاك النهار يلزم عليا ندير الدار

و نجيبها بالزرناجية

يحضروا حبابي كبار و صغار و حنا في بلادنا احرار

حرين و احنا في حرية