نص القصيدة
مرسولي كفاني اليوم ورجع فارح بعد الهموم
قالت له الليلة يا مشوم عندي نحتاج تبيات
حسادي غايبوا كلهم والمدار على خلت
مرسولي كفتنه غزالي اعطته الخرصة والدلال
ارجع بشرني بالوصال صرت تراعي الاوقات
هذا الدهر ايامه طوال والساعة كيف بدات
باش نكافي تاج الريام لله عبدولي يا كرام
والله لو نخدمها غلام لاقبلتني هيبات
لكن السعد اذا اسقام يخلف لي مافات
باش نكافي تاج الملاح مولات الهمة والشباح
من نهواها غصن اللقاح حتى لمكاني جات
واجب نطلب منها السماح تعطف عين الرمقات
جاني مول الحسن الجميل ودخل من الباب الفضيل
قالت لي قم يا ذا الخليل تخلف لك شيئا فات
ذا الليلة نشفي الغليل عقلي والروح فنات
جاني البارح بدر البدور عنقتي مطلق الشعور
عرض لي تعريض النور فرح قلبي فرحات
غير دخل ارخيت الستور ونسيت الباب بقات
نسيت الباب بلا غليق والغرفة جات على الطريق
معلوم انا لها عشيق ولفي سود الرمقات
قالت الليلة يا صديق نعطيك الروح والذات
الميم ملك قلبي الهوى والسين صيرت لما قوى
الباء يا شارب الدواء من لا تفهم الابيات
الباء بان اسمي في الهواء كالشمس اذا علات
مرسولي كفتنه اليوم باش نكافي اللي جات