يا الرايح

بالله عليك يا الرايح كان ريت غزالي

انت الجوال لا غنى فطريقك تلقاه

من وحشو شوف حوالي بالله عليك عيدلو

ما لقيت نراه فاض وحشو و تكدر حالي

معدوم بقيت ديما قلبي يتمناه

راه مشى و خلاني ملك عقلي و خلخلو

ماليوم لي ريتو ما نسينو و سكن دخالي

و تعاهدنا ما يخطيني ولا نخطيه

فراقو ما كان في بالي علينا العديان تقولو

حسدوني فيه يا سيادي لاني زوالي

جناحي مكسور و ما عرفت حالي يا حسرة

غير بدموع نجالي نونس قلبي نقولو

بالله عليك يا الرايح كان ريت غزالي

انت الجوال لا غنى فطريقك تلقاه

من وحشو شوف حوالي بالله عليك عيدلو

قصتي غريبة يالرايح شوف اش جرالي

ما قاسى قيس انا غزالي قاسيت معاه

لو كان عنتر الهلالي يسكنو ريح يفشلو

من قبل الصوم ياك هويتو يا دلالي

لو نعيد انا صغري ماذا عديت معاه

من غيرو ما يحلالي يجي ليا و نرحلو

جوزت ايام فالنزايه و قلبي سالي

حبيبي فرحان و انا خاطري فارح معاه

ما دريت هكذا يصرالي يجفيني و يهجر منزلو

خرجت نجول قلت نلتقى بشي والي

ولا طالب حكيم يدري للحب دواه

يا للاسف عمبالي قاضي الهوى لا حد قدرلو

بالله عليك يا الرايح كان ريت غزالي

انت الجوال لا غنى فطريقك تلقاه

من وحشو شوف حوالي بالله عليك عيدلو

عساك يا الرايح انا لي نحال حالي

كمثل الطير اذا لقى لحنش و جفاه

و لو يسكن لعلالي يلدغو لدغة يروحلو

هاذ القلب صار مخطوف و كثرو هوالي

ما دريتو حي ولا ميت و لا كي راه

هاذ الغزال غزالي ما نسمح للي راحلو

بالله عليك يا الرايح كان ريت غزالي

انت الجوال لا غنى فطريقك تلقاه

من وحشو شوف خوالي بالله عليك عيدلو

ضحك الرايح كي شاف كثرو هوالي

انطق و قال انا تاني حبيبك نهواه

ذاك الساكن خيالي هو فكري ما نسولو

بتوفيق الله تم نظمي و قضيت شغالي

ما خاب من سال و طلب و دعى ربنا الإله

تكلي فالله العالي يجود علينا بفضلو

بالله عليك يا الرايح كان ريت غزالي

انت الجوال لا غنى فطريقك تلقاه

من وحشو شوف حوالي بالله عليك عيدلو